Арск-Информ
  • Рус Тат
  • Рөстәм Миңнеханов агросәнәгатьтә цифрлы сервисларны күбрәк кулланырга өндәде

    Татарстан Президенты Рөстәм Миңнеханов агросәнәгать комплексына яңа технологияләрне максималь рәвештә кертергә өндәде. Бу хакта республика Дәүләт Советына еллык юллама вакытында яңгырады.

    «Агросәнәгать комплексы өлкәсендә авыл хуҗалыгы җитештерүенең нәтиҗәлелеген арттыру буенча эшне дәвам итәргә кирәк. Мондый эшнең уңай мисаллары бар инде. Уңыш булдыру процессы белән идарә итүдә цифрлы карарлардан файдалану Минзәлә районының «Калморза» компаниясенә өч ел эчендә бер гектарга акчалата керемне 3,5 тапкыр арттырырга мөмкинлек бирде», — дип мисал китерде ул.

    Авыл хуҗалыгы производствосында яңа технологияләрне модернизацияләү һәм гамәлгә кертү хезмәт җитештерүчәнлеген, хезмәт хакын һәм бу тармакның яшьләр өчен җәлеп итүчәнлеген арттыруга китерә.

    Резервлар бар, аларны кулланырга кирәк, дип саный Татарстан Президенты. Бу хакта реаль мисаллар сөйли. Әтнә районының «Тукай» хуҗалыгында югары технологияле комплекс төзелгән, анда хезмәткәрләрнең 70 проценты яшьләр.

    Реклама

    Татарстан Президенты үзенең Дәүләт Советына Юлламасы белән мөрәҗәгатен Казанның С.Сәйдәшев исемендәге Дәүләт Зур концерт залында яңгыратты. Язма трансляциясен интернетта карарга мөмкин.  

    Татар-информ

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: