Сабак булырмы?

автор, 20 август 2021 - 11:10

1012

Быел Арча районында яшәүче Ленар Гаптрахманов транспорт белән исерек хәлдә идарә иткән өчен суд карары белән административ җаваплылыкка тартылган булган инде.

Ул вакытта суд аңа 30 мең сум штраф сала, 1 ел 6 айга транспорт чаралары белән идарә итү хокукыннан мәхрүм итә.

Әмма ул моннан тиешле нәтиҗә ясамый, руль артына тагын исерек хәлдә утыра.

Җинаять эше материалларыннан күренгәнчә, Гаптрахманов 2 июльдә “ВАЗ–21140” автомобиле белән исерек хәлдә урамнар буйлап йөри, башка кешеләргә куркыныч тудыра. Ярый әле полиция хезмәткәрләре аны тоткарлый.

Район суды Гаптрахмановны исерек хәлдә кабат автомобиль белән идарә итүдә гаепле дип тапты, 2 ел 6 айга транспорт чаралары белән идарә итү хокукыннан мәхрүм итте, 240 сәгатьлек мәҗбүри эшләр билгеләде.