"Салават күпере"нең "Нәни Сөмбелә"се Аделина булды

Шактый еллардан бирле уздырылып килүче конкөрста балалар ел да сәләтләрен күрсәтә. Быелгы бәйгене бакча җитәкчесе Алсу Фәрит кызы Шакирова тантаналы рәвештә ачып, нәни конкурстанларга уңышлы чыгыш ясауларын теләде.

Балаларны конкурска әзерләүдә һәм чыгышларында  музыка тәрбиячесе Вероника Солтан кызы Капралова ярдәм итте.Балалар җыр-моңга,биюгә, сәнгатьле итеп шигырь сөйләү осталыгын күрсәтте. Үзләре турында таныштыруны да шигырь юллары белән сөйләп бирделәр. 

Балаларны сәнгатьле, оста итеп чыгыш ясарга әзерләүчеләр, әлбәттә, иң беренче чиратта, әти-әниләре. Конкурс турында сүз чыккач алар берсүзсез ризалашып иҗат дөньясына чумды: матур шигырь юллары чыгарганнар, костюмнар уйлап тапканнар, теккәннәр, үзләренең бар иҗади сәләтен эшкә җиккәннәр. Һәр чыгыш презентация күрсәтеп башкарылды һәм тамашачылар, жюри тарафыннан җылы кабул ителде.

Конкурста катнашкан бер конкурсант та игътибарсыз калмады: аларның һәммәсе төрле номинацияләрдә җиңүче булып, грамоталар белән бүләкләнде. Бакчабызның данын район күләмендә узачак конкурста өлкәннәр төркеменә йөрүче "Нәни Сөмбелә " Аделина Нуретдинова яклаячак.

Арчаның 1 нче балалар бакчасы тәрбиячеләре Гөлназ Сәгыйтова, Гөлнара Зиннәтова