Арск-Информ
  • Рус Тат
  • Социаль ипотека: ана капиталы кире кайта

    2021 елның февралендә кергән яңа карар нигезендә, ана капиталын социаль ипотека белән алынган торак кредитын түләү өчен файдаланып булмый иде

    Социаль ипотека: ана капиталы кире кайта

     

    Займны ана капиталы белән капларга мөмкин булган исемлектән дәүләт торак фонды төшереп калдырылды. Шуңа да ел башыннан 67 гаилә бу мәсьәләдә тоткарлыклар кичереп, Дәүләт торак фондына мөрәҗәгать иткән.
    – Социаль ипотека программасы белән торак алучыларга ана капиталын файдалану мөмкинлеген кире кайтару өчен зур коммерция банклары белән эшли башладык. Социаль ипотеканы хәзер “Ак Барс”, “Зенит”, “Сбербанк”та рефинансларга була, – дип аңлатты Татарстан Президенты каршындагы Дәүләт торак фондының башкаручы директоры урынбасары Булат Гыйльманов.

    Социаль ипотека буенча бурычлары булмаган һәр гаилә рефинанслау процессын уза ала. Моның өчен беренче чиратта социаль ипотека программасы буенча һәр балага каралган 200 мең сум дәүләт ярдәмен кулланырга киңәш ителә. Чөнки, рефинанслау ясатканнан соң, ул 200 мең сумны файдаланып булмаячак.

    Реклама

    Рефинанслау шартлары һәр банкта төрле.
    Быел Татарстанда социаль ипотека программасы буенча 5 мең фатир төзелер дип көтелә. “Салават күпере” торак комплексында икенче микрорайонны сафка бастырырга ниятлиләр, шулай ук Чаллыда 63нче микрорайон, Түбән Камада 49нчы микрорайонда төзелеш эшләре төгәлләнергә тиеш.
    Сүз уңаеннан, Татарстанның дәүләт торак фонды ана капиталы белән займны түләп булган оешмалар исемлегенә үзләрен кертүләрен сорап Россия Хөкүмәтенә мөрәҗәгать итәргә җыена.

    Тулырак: http://shahrikazan.ru/news/sotsial-tormyish/sotsial-ipoteka-ana-kapitaly-kire-kayta

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: