Арча яңалыклары
Социалистик Хезмәт герое Дания апа Галимованы соңгы юлга озаттылар
Мирҗәмнән Социалистик Хезмәт герое, Арча районының Шәрәфле гражданины Дания апа Галимова бүген вафат булды.
88 яшьлек ветеран нинди изге көнне вафат булды һәм җирләнде.
Соңгы юлга озатырга район башлыгы Илшат Нуриев та килгән иде.
Дания апа 1932 елның 29 июнендә туган. Балачагы авыр сугыш елларына туры килә. 1947 елда инде ул атлар карый. Аннан дуңгыз фермасында. эшли. 1987 елга кадәр дуңгызлар карый. "Ватан" хуҗалыгының һәм районның иң яхшы терлекчесе була.
1975-1980 елларда ТАССРның Югары советы депутаты була.
Дания Галимова – район терлекчеләре арасында Социалистик Хезмәт Герое исеменә лаек булган бердәнбер кеше.
Соңгы көннәрне кызында яши. Мирҗәм авылы зиратына җирләнә. Мәрхүмнең авыр туфрагы җиңел булсын.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Комментарии
0
0
Урны жомахта булсын
0
0