СПИД - хөкем карары түгел !

Утырышта район үзәк хастаханәсе эпидемиологы Чулпан Ситдыйкова ВИЧ -инфекция белән бәйле вазгыять һәм аны кисәтү чаралары турында чыгыш ясады. Узган ел Арча районында шундый өч авыру очрагы теркәлгән (2020 елда сигез ),ә менә быелның беренче кварталында гына да тагын өч яңа авыру барлыгы билгеле булган. Димәк, хәл  җитди. -  Аңлату эшләре алып баруга карамастан, кешеләр үз статусларын ирекле рәвештә ачыкларга теләми. Ә авыруны вакытында ачыклау аны уңышлы дәвалау өчен бик мөһим. Медицина бу чир белән көрәшергә өйрәнде инде. СПИД хәзер хөкем карары түгел. Вакытында ярдәм күрсәтелсә, мондый авырулар да озак яши ала , - диде Чулпан Равилевна.

Аның белән әңгәмәне газетабызны алдагы саннарында укый аласыз.