Студентлар «Ак Барс» агрокомплексында практика үтә

Ел әйләнәсе "Ак Барс" Агрокомплексында Казан ветеринария академиясе студентлары практика уза. Шушы көннәрдә генә Салават Сабирҗанов, Камил Ишкаев, Рәзил Ситдиков һәм Иван Коваль практикага кайтты. Аларның остазлары итеп хуҗалыкның баш мал табибы Илнур Халитов, сөтчелек комплексы җитәкчесе Заһит Шәһимуллин, мал тибиблары Раил Әхмәтгалиев белән Илназ Гыйниятуллин билгеләнгән. Булачак белгечләр хуҗалык базасында бозау кабул итү, малларны дәвалау һәм ашату, ясалма орлыкландыру серләренә төшенә. Студентлар бушка эшләми аларның һәркайсына 45 мең сум күләмендә хезмәт хакы каралган, 3 тапкыр кайнар аш, махсус кием белән тәэмин ителгән. Үзләрен уңай яктан күрсәткән студентларга эшкә калу мөмкинлеге дә бар.