Сыйныф җитәкчесе Ләйсән Кәбирова Гран-при отты!

Хезмәттәшебез Ильяс Фәттахов белән Наилә ханымның кызлары Ләйсәннең уңышына без дә бик сөендек. Әле менә яңа гына Ләйсәннең кызы Айсинә якташыбыз Вәзыйх Рәхимовның  "Туган тел" шигырен яттан сөйләп, лауреат булды.

Арчаның 2нче мәктәбендә "Елның сыйныф җитәкчесе" дигән район күләмендәге бәйге үтте. Арчаның 6нчы мәктәбендә эшлләүче Ләйсән Ильяс кызы Кәбирова Гран-прига ия булды. Алда - республика күләмендәге әлеге бәйгенең зона этабы. Без Ләйсәнгә уңышлар телибез!