Арск-Информ
  • Рус Тат
  • Тагын армия, тагын фаҗига: хәрби бүлек солдаты башта балта белән, аннан ут ачып хезмәттәшләрен үтергән

    Аңлатуынча өлкәнрәк хезмәттәшләренең җәберләүләренә түзә алмаган.

     Воронеждагы 23326нчы хәрби бүлек солдаты хезмәттәшләренә һөҗүм иткән һәм берничә кешене үтергән дип хәбәр итә өлкәдә чыга торган "Мое! Online" ресурсы. Бу хәл 9 ноябрьдә шәһәрнең Совет районындагы "Балтимор" аэродромында иртәнге бишләр тирәсендә булган. Солдат башта балта белән һөҗүм иткән, анннары бер хезмәттәшеннән корал тартып алган һәм ут ачкан диелә.   ТАСС мәгълүматынча, өч кеше үлгән, бер кеше яраланган. Кораллы хәрби качып киткән, хәзер аны эзлиләр дип хәбәр ителә.   "Вести Воронеж" һөҗүмчене 20 яшьлек Антон Макаров булырга мөмкин дип яза. Ул мәҗбүри хәрби хезмәткә чакырылып хезмәт иткән.   Тикшерү комитетының Воронеж гарнизоны бүлеге "Үтерү" маддәсе нигезендә җинаять эше ачкан.   Узган елның октябрендә Байкал арты хәрби бүлегендә рядовой Рамил Шәмсетдинов каравыл алышынганда сигез хезмәттәшен атып үтергән иде. Бу адымын ул бабайлыкка, өлкәнрәк хезмәттәшләренең җәберләүләренә түзә алмавы белән аңлатты.

    Фото: ТАСС

    Реклама

    Тулырак: https://matbugat.ru/news/?id=31029

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: