Тагын урманнар яна

автор, 5 август 2020 - 09:17

1173

Башкортстанда 16,65 гектар мәйданда дүрт янгын теркәлгән. Бөрҗән һәм Белорет районнарында 1,65 гектар мәйданда ике янгынны сүндергәннәр.

5 августта иртәнге 6 да булган оператив отчет буенча, ике янгынны сүндерә алмаганнар. Иң зур янгын Бөрҗән районының 15 гектар урман мәйданында. Төгәлрәк әйткәндә, янгын “Башкорт дәүләт табигый тыюлыгы” җирләрендә котыра. Зилаир районында 13 гектар мәйданда урман януы дәвам итә.

Гомумән алганда, 2020 елда янгын хәвефе чоры башланганнан бирле 122 табигый янгын теркәлде. Узган елның шул ук чорында, 152 янгын чыккан булган.