Арск-Информ
  • Рус Тат
  • Татарстан егете Дагыстан Республикасының вице-премьеры булды

    Март башыннан бирле Инсаф Хәйруллин Төньяк Кавказ республикасы Хөкүмәте башлыгы урынбасары вазифаларын вакытлыча башкарган иде.

    Татарстанда туып-үскән Инсаф Хәйруллин Дагыстанның вице-премьеры итеп билгеләнде. Бу турыда карарны Төньяк Кавказ республикасы җитәкчесе Владимир Васильев имзалаган.

    «Төбәк җитәкчесе карары белән Дагыстан Республикасы Хөкүмәте Рәисе урынбасары итеп Хәйруллин Инсаф Рәшит улы билгеләнде», — диелә республика башлыгы матбугат хезмәтенең Instagram аккаунтында.

    Реклама

    Төзелеш өлкәсенә кураторлык иткән Инсаф Хәйруллинның 3 мартта ук Дагыстан вице-премьеры вазифаларын вакытлыча башкаручы итеп билгеләнгәнен «Татар-информ» хәбәр иткән иде. 

    Инсаф Хәйруллин 1970 елда Казанда туа. Казан дәүләт университетын һәм Казан финанс-икътисад институтын тәмамлый, икътисад фәннәре докторы. 2005-2007 елларда Татарстан икътисад һәм сәнәгать министры урынбасары, 2007-2010 елларда Татарстан икътисад министры урынбасары була. 2010-2014 елларда Татарстан транспорт һәм юл хуҗалыгы министрының беренче урынбасары булып эшли. 2018 елдан ООО «Декса-Казан» генераль директоры була.

    Татар-информ

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: