Арск-Информ
  • Рус Тат
  • Татарстан мөхтәсибәтләре республикакүләм «Мәктәпкә әзерләнергә ярдәм ит!» акциясенә кушылды

    Акция Арча, Сарман, Чистай, Балык Бистәсе, Әлки, Минзәлә, Әлмәт, Кама Тамагы, Апас, Спас мөхтәсибәтләрендә узды.

    Әлеге чара барышында мәктәпкә керергә әзерләнүче аз керемле һәм күп балалы гаиләләрдә тәрбияләнүче сабыйлар, шулай ук физик мөмкинлекләре чикле балаларга мәктәп өчен беренчел кирәк-яраклар тутырылган букчалар, спорт костюмнары тапшырыла. Бу турыда Диния нәзарәтенең матбугат хезмәте хәбәр итте. 

    Арча мөхтәсибәте оештырган акция «Мәктәпкә мәшәкатьсез» дип исемләнде. Әлеге чара кысаларында беренче сыйныфка баручы, матди яктан мөмкинлекләре чикле булган, авыр финанс хәл кичерүче гаиләләрдә тәрбияләнүче башлангыч класс укучыларына барлык уку кирәк-яраклары тутырылган мәктәп букчалары тапшырылды.

    Реклама

    Портфельләрне бүләк итү тантанасы Арча Үзәк мәчетендә район хәзрәтләре катнашында узды. Уку кирәк-яраклары мәчеткә йөрүче җирле халык һәм иганәчеләр ярдәме белән әзерләнде. Букчаларда барлык дәфтәрләр, альбомнар, каләм-пумалалар, буяулар, фломастерлар, пеналлар, төсле кәгазьләр бар. Бүгенге көндә Арча мөхтәсибәте тарафыннан мәктәпкә әзерләнүче 40 балага ярдәм күрсәтелде.

    Татар-информ

    Тулырак https://tatar-inform.tatar/news/society/26-08-2020/tatarstan-m-ht-sib-tl-rend-m-kt-pk-zerl-nerg-yard-m-it-aktsiyase-uza-5766258

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: