Арск-Информ
  • Рус Тат
  • Татарстанда битлек кию режимы бетерелә

    Ниһаять, битлекләрне ташлыйбыз

     

    Татарстанда коронавирус пандемиясе сәбәпле кертелгән битлек кию режимының гамәлдә булуы туктатыла. Бу хакта «Татар-информ» агентлыгына ТР Президенты матбугат хезмәте җитәкчесе Лилия Галимова хәбәр итте.

    «Covid-19 белән авыручылар саны кимү сәбәпле, Оператив штаб җәмәгать урыннарында мәҗбүри битлек киюне туктату турында карар кабул итте», - дип аңлатты агентлык әңгәмәдәше.

    ТР Президенты Рөстәм Миңнеханов йөкләмәсе буенча «Татарстан Хөкүмәте карарына үзгәрешләр әзерләнә», - дип ачыклык кертте Галимова.

    «Коронавирус белән авыручылар саны арту темпы 3,5тән 0,08 процентка кадәр кимеде һәм бу бик яхшы күрсәткеч», —дип билгеләп үтте бу уңайдан Россия Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе җитәкчесе Марина Патяшина.

    Реклама

    «Хастаханәдән тыш пневмонияләр буенча авырулар саны ковидка кадәрге чорга кайтты», - дип искәртте республиканың баш санитар табибы.

    Россия Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе җитәкчесе коронавируска тест үткәрү күрсәткече норматив күрсәткечтән артып китә һәм 100 мең кешегә 210 тест тәшкил итә, ә «уңай нәтиҗәле затлар саны нибары 0,6 процент», - дип өстәде.

    «Шуңа күрә әлеге факторлар җыелмасы безгә Татарстан Республикасы территориясендә мәҗбүри битлек режимын үзгәртергә түгел, ә бөтенләй гамәлдән чыгару карарын кабул итәргә мөмкинлек бирде», - дип йомгаклады Марина Патяшина.

    Бу хакта тулырак: https://tatar-inform.tatar/news/tatarstanda-bitlek-rezimy-beterela-5855603

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: