Арча яңалыклары
Татарстанда фейерверктан зыян күрүчеләр бар
Сак булырга кирәк шул. Аллага шөкер, Арчада тыныч үзе. Ә менә Татарстанда...
Бүген иртәнге сәгать дүртләр тирәсендә Казанда Чистай урамыннан Балалар республика клиник хастаханәсенә 17 яшьлек яшүсмерне китергәннәр. Ул пешкән.
«Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә сөйләүләренчә, фейерверк аркасында яшүсмернең иңбашы һәм кул чугы пешкән. Яшүсмерне хастаханәгә салганнар.
Иртәнге сәгать сигезләр тирәсендә Столбище авылында 38 яшьлек ир-атның күзе һәм бите пешүе турында хәбәр килә. Ул хастаханәдә калудан баш тарткан.
«2023 елның беренче көнендә Республикада һәлакәтләр медицинасы республика үзәге мәгълүматлары буенча, пиротехника куллану нәтиҗәсендә 4 кеше имгәнгән, шул исәптә өч бала да бар», - диделәр Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.
Бу хакта тулырак: https://tatar-inform.tatar/news/tatarstanda-oc-bala-ham-ber-olkan-kese-feierverk-belan-yaralangan-5865103
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев