Арск-Информ
  • Рус Тат
  • Татарстанда ял көннәрендә җылы һава торышы саклана

    Ял көннәрендә Татарстанда җылы һава торышы була.

    ТР Гидрометеорология үзәге хәбәр иткәнчә, иртәгә, 23 октябрьдә, һава торышы сизелерлек үзгәрмәячәк. Республикада аязучан болытлы һава торышы көтелә, явым-төшем күзәтелми, җил төньяктан исә.

    Шул ук вакытта иртән һәм көндез көньяк-көнбатыштан көчле җилнең тизлеге секундына 15-18 метрга кадәр җитәргә мөмкин. Һава температурасы төнлә +5..+10, көндез +9..+14 градус көтелә.

    Якшәмбе, 24 октябрьдә, атмосфера фронты төбәккә яңгырлар алып киләчәк. Температура түбәнәя: төнлә +2.. +7 градус, көндез +5..+10 градус була, дип искәртә синоптиклар.

    Дүшәмбе көнне, 25 октябрьдә, Татарстан аша «бераз яңгыр һәм җепшек кар явып, салкын атмосфера фронты» узачак. Төнлә -1..+4 градус, көндез +1..+6 градус фаразлана.

    Реклама

    Метеорологлар мәгълүматларына караганда, сишәмбе һәм чәршәмбе, 26 һәм 27 октябрьдә, һава торышына республикада антициклон перифериясе йогынты ясаячак. Димәк, явым-төшем көтелми.

    26 октябрьдә төнлә һава температурасы -1.. -6 градус, көндез исә 0..+5 градус була. 27 октябрь төнендә -3..+2 градус һәм көндез +2..+7 градус булыр дип көтелә. 

    Татар-информ

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: