Арск-Информ
  • Рус Тат
  • Әҗәтең булса, чит илгә чыга алмыйсың

    Нинди бурычлар турында сүз бара?

    Суд приставлары Федераль хезмәтенең Арча бүлеге хезмәткәрләре күпфункцияле үзәктә ”Үзеңнең бурычың барлыгын бел” дигән акция үткәрде. Максаты – район халкына үз бурычлары турында алдан белеп, түләп, Яңа елга әҗәтсез керү мөмкинлеген бирү. Бу хакта шулай ук онлайн-режимда федераль хезмәт сайтыннан да белергә, түләп, квитанциясенә кадәр чыгарып алырга була.

    Бурычларын түләмәүчеләр эше, белгәнегезчә, судка тапшырыла, аннан түләттерү өчен суд приставларына кадәр барып җитә. Яңа ел бәйрәмнәре, каникулларында чит илгә чыгу хыялда гына калырга мөмкин, чөнки бурычлылар өчен андый мөмкинлек чикләнелә.

    Моның өчен нишләргә? Билгеле инде, чит илгә чыгу алдыннан кимендә бер атна алдан әҗәтләрне түләп бетерергә.

    Нинди бурычлар турында сүз бара? Коммуналь хезмәтләр, алимент, кредит, салым, штрафлар. Алименты 10 мең сумнан артып китсә, ул кешегә чит илгә юл ябык. Ә башка алда әйтелгән бурычларга килгәндә, суммасы 30 мең сумнан артып китеп, суд карары нигезендә түләргә дип чыгарылган очракта чит илгә чыгу тыела.

     

     

     

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: