Теләчедән Арчага 5 чемпион җиңү яулап кайтты

29 нчы гыйнвар көнне Теләчедә 2005 нче елгы һәм аннан яшьрәк егетләр арасында  Габдрахманов Р.А. призына  көрәш буенча район беренчелеге булып үтте.  Ярышларда Балык Бистәсе, Саба, Кукмара, Лаеш, Арча, Теләче районнарыннан  130 лап көрәшче катнашты.  Тренер Марат  Сәлахов  җитәкчелегендә  “Арча” спорт мәктәбе көрәшчеләре дә   уңышлы чыгыш ясап кайттылар.

Үз үлчәү авырлыкларында Муратов Динияр (АПК, тренеры Фазылзянов Илшат), Хәйретдинов Ранил (АГТТ, тренеры Сәлахов Марат),  Фәйзрахманов Рүзәл (Ашытбаш мәктәбе, тренеры Сәлахов Марат.), Фәйзрахманов Аяз (Ашытбаш мәктәбе, тренеры Сәлахов Марат.), Минһаҗев Эдуард (Лесхоз мәктәбе, тренеры Аскаров Илүс.) чемпион булдылар.

 Арчаның 6 нчы номерлы мәктәбеннән  Хәкимуллин  Нияз һәм Искәндәров Ильяс (тренерлары Хидиятуллин Фәнил) пьедесталның 2 нче баскычына күтәрелделәр.

Ахунов Самир (Арчаның 6 нчы номерлы мәктәбе, тренеры Хидиятуллин Фәнил), Сөнгатуллин Рушан (Арчаның 6 нчы номерлы мәктәбе, тренеры Хидиятуллин Ф.), Вәлиәхметов Әмир (Кәче мәктәбе, тренеры Галиев Рәис.), Фәйзрахманов Райнур (АПК, тренеры Сәлахов М..) өченче урынга лаек булдылар.

Барлык призерларга да медаль,грамота һәм акчалата  бүләкләр тапшырылды, ә чемпионнар әле, моңа өстәп,  кубокка да ия булдылар. Командалар арасында Арча районы җыелма командасы икенче урынны алды һәм диплом, кубок  белән бүләкләнде.