Телефоннан сөйләшкәннән соң 53 мең сум акчасы югалган

автор, 18 март 2020 - 13:35

1523

Дүшәмбе көн Белореттагы 60 яшьлек бер пенсионер өчен иң уңышсыз көннәрнең берсенә әверелгән: ул полициягә үзен алдаулары турында гариза язган.

Телефоннан сөйләшкәннән соң 53 мең сум акчасы югалган

Ул үзенә бер яшь егетнең шалтыратуын һәм аның белән сөйләшкәннән соң күңелендә шик тууы турында әйткән.

Егет үзен банк хезмәткәре дип таныштырган. Ул пенсионерның банк картасы белән ниндидер сәер операцияләр кылынуы турында хәбәр иткән.

Ул картаны саклау өчен кесә телефонына килгән кодны һәм картаның номерларын әйтергә куша. Пенсионер ул кушканнарны төгәл үти. Сөйләшеп беткәч аның картасыннан 53 мең сум акчаның башка исәпкә күчүе турында хәбәр килә.