Әтисе, әнисе, энесе, сеңлесе бер көнне җирләнде

Фаҗига Усинск шәһәре янында булган иде. "Lifan" руле артында гаилә башлыгы була. Күпмедер вакыттан соң ул идарәне югалта һәм автомобиль каршы як полосага чыга, анда КамАЗ бензовозы белән бәрелешә. 46 һәм 47 яшьлек ир белән хатын, шулай ук аларның балалары – 19 яшьлек кыз һәм 15 яшьлек үсмер һәлакәт урынында үлә. Соңрак кызның күптән түгел генә кияүгә чыгуы билгеле булды. Никахтан соң ул туганнары белән бергә әйберләрен алу өчен Усинск шәһәренә юл тота. Гаилә үз вакытында Башкортстаннан күчеп килгән. Һәлак булган ир белән хатынның бары 25 яшьлек улы гына исән калган. Нәкъ менә ул әти-әнисенең, сеңлесенең һәм энесенең туган ягына гәүдәләрен алып кайтуны оештыру белән шөгыльләнгән.

Фото: mk.ru

https://kiziltan.rbsmi.ru/articles/donja/tise--nise-enese-se-lese-ber-k-nne-irl-nde-147122/