Әтисенә бүләк ясыйм дип сабый һәлак булган

Новочеркасскида 4 яшьлек бала әтисенә 23 февральгә бүләк әзерләгәндә ялгыш канцелярия кадагын капкан һәм ул бронхларына эләккән.Сабый балалар бакчасында бәйрәмгә открытка ясаган булган, аны стенага беркетергә дип урындыкка баскан. Урындыкка тотынып менәргә кулы буш булсын өчен, канцелярия кадагын авызына капкан. Менеп басканда, ялгыш кына йотып та җибәргән. Бала шунда ук тончыга башлый, хастаханәгә барганда исә аңын югалта һәм клиник үлем кичерә. Табиблар сабыйны коткарып кала алмый.