ТР Яшьләр министрлыгы башлыгы республика халкы сорауларына җавап бирәчәк

Аерым алганда, министр Татарстан яшьләренең җәйгә планнары, республикада тормышка ашырыла торган яшьләр өчен әһәмиятле проектлар һәм аларның муниципаль сайлауларда катнашуы кебек темаларга кагылачак.

#Татарстан-онлайн тапшыруы вакытында социаль челтәрләрдән файдаланучы һәр кеше үзен кызыксындырган сорауларын бирә ала. Фаттахов иң киң таралган сорауларга туры эфирда җавап бирәчәк, ә калган сорауларга программа тәмамланганнан соң ул җитәкләгән ведомство вәкилләре җавап бирәчәк.

#Татарстан онлайн программасы 2020 елның апрелендә эшли башлады. Анда ТР Президенты ярдәмчесе Наталия Фишман-Бекмамбетова, ТР вице-премьеры – мәгариф һәм фән министры Рафис Борһанов, ТР Төзелеш, архитектура һәм ТКХ министры Фәрит Хәнифов катнашты.

Трансляция «ВКонтакте» һәм «Одноклассники» социаль челтәрләрендә, шулай ук YouTube видеохостингында 14 сәгатьтә башлана.

Татар-информ