Арск-Информ
  • Рус Тат
  • ТР Яшьләр Парламенты җәмәгать транспортында йөрүгә студентлар тарифы турында тәкъдимне хуплады

    Республика Студентлар лигасы Президенты “44” тарифы кертергә тәкъдим итте.

    Татарстан Дәүләт Советы каршындагы Яшьләр Парламенты Студентлар лигасының җәмәгать транспортында йөрүгә ташламалы студентлар тарифы кертү тәкъдимен хуплады. Бу турыда ТР Президентына һәм профильле Министрлыкларга мөрәҗәгать җибәрергә әзерләнәләр. Бу хакта ТР Дәүләт Советы матбугат хезмәте хәбәр итә.

    Яшьләр парламаентының бишенче утырышында ТР Студентлар лигасы президенты Руфат Кыямов студентлар өчен транспорт билеты бәясе һәрвакыт кискен торуын әйтеп үтте.

    “Студентлар көн саен уку йортына баралар һәм кайталар. Көнгә ике тапкырдан санаганда, айга 44 тапкыр җәмәгать транспортында йөриләр. Шулай итеп, көндезге бүлектә укучы һәм даими эш урыны булмаган студентлар өчен без “44” тарифы кертергә тәкъдим итәбез. Барлык төр транспортта да 44 тапкыр йөрү өчен 880 сум”, – дип аңлатты Кыямов.

    Реклама

    Дәүләт Советы рәисе урынбасары Татьяна Ларионова бу тәкъдимне хуплады, тик мәсьәләне Казан хакимияте, транспорт предприятиеләре, югары уку йортлары җитәкчеләре белән тирәнтен өйрәнү өчен аерым эшче төркем булдырырга тәкъдим итте.

    Татар-информ

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: