Әҗәттән котылу өчен укыла торган дога тәкъдим итә алабыз

Тормыш булгач, әҗәтле булырга да туры килә. Исламда «ипотекадан котылу өчен» укыла торган дога юк. Чөнки ипотека - хәзерге чор күренеше. Ә менә әҗәттән котылу өчен укыла торган дога тәкъдим итә алабыз.

Берьюлы Мөхәммәд салләллаһу галәйһи вә сәлләм мәчетенә кергәч, боегып утыручы сәхабәсен күргән. Расүлебез аннан:
«Әле намаз вакыты түгел. Син монда нишлисең?» – дип сораган. Сәхабә:
«Мин - кайгыда һәм борчылуда, мине әҗәтләр биләп алды һәм аларны түләрлек акчам юк», – дигән. Расүлебез:
«Сиңа сине йөкләрдән азат итә торган дога өйрәтимме?» – дип сораган һәм түбәндәге доганы укыган.  
"Аллаһуммә инии әгууз̣у бикә минәл-һәмми вәл-хәзәни вә әгууз̣у бикә вәл-гаҗзи вәл-кәсәли вә әгууз̣у бикә минәл-бүхли вәл-җүбни, вә әгууз̣у бикә мин галәбәтид-дәйни вә каһрир-риҗәәл".
 «Йә Аллаһым! Мин тынычсызлыктан һәм кайгыдан, гаҗизлектән һәм ялкаулыктан, саранлыктан һәм куркаклыктан, бурычның авырлыгыннан һәм кешеләрнең золым кылуларыннан Сиңа сыенам».

("Дин вә мәгыйшәт")

 http://shahrikazan.ru/news/yazmalar/ipotekadan-tizrk-kotylu-chen-berr-doga-barmy