Туган көндә өч кешенең гомере өзелгән

автор, 2 март 2020 - 11:01

2368

Бер ахмаклык өч кешенең гомерен өзгән.

Мәскәүдә танылган блогер Екатерина Диденко туган көнен үткәрергә дусларын саунага җыя. Шунда кемдер бассейнга коры боз ыргыта...

Кадрларда күренгәнчә, боз ташлау процессын бәйрәмдә катнашучылар, тамаша буларак, кул чабып каршы ала. Санаулы секундларда бассейнның бөтен өслеге химик реакциядән пар белән тула, ә Екатеринаның ире суга чума.

— Ул үлде, юкка чыкты! - дип шаяртып кычкыра бәйрәмдә катнашучыларның берсе, Валентин Диденконың тиздән чыннан да үләчәген уйламыйча.

Исегезгә төшерәбез: фаҗигале хәл 28 февраль кичендә Мәскәүнең көньягындагы "Тугызынчы вал" мунча комплексында булган. "Аптечный ревизорро" блогы буенча танылган блогер Екатерина Диденконың 29 яшен бәйрәм итү барышында бассейнга коры боз ташлаганнан соң химик реакция нәтиҗәсендә кешеләр агулана. Вакыйга факты буенча җинаять эше кузгатылган.

Соңрак Екатерина Диденко барлыгы өч кешенең гомере өзелгәнен раслады, аларның берсе — аның ире Валентин. Ирнең ике баласы ятим калган.

Фото: pixabay.com