Кичәдә катнаштылар
Музейның әдәбият-сәнгать бүлегендә талантлы балалар язучысы, Беренче һәм Икенче Бөтендөнья сугышларында катнашкан фронтовик, Татарстан Язучылар берлеге әгъзасы, Татарстанның атказанган мәдәният хезмәткәре Госман Бакировның тууына 125 ел тулу уңаеннан искә алу кичәсе булды.
Кичәне музейның директор урынбасары Гарипов Шәфигулла Зәйнулла улы Госман Бакировка багышланган күргәзмә белән таныштырудан башлады.
Шулай ук М.Мәһдиев музее мөдире Габидуллина Халидә Кыям кызы, “Әлифба” музее мөдире Таҗиев Дамир Гыйлемшәех улы Госман Бакиров әсәрләренә күзәтү ясап, килгән кунакларга иҗаты турында тулы мәгълүмат бирделәр.
Госман Бакировның туганнары: Хәкимова Флёра Минһаҗ кызы, Рөстәм Бакировның кызы гаиләсе белән, Хәнәфиева Гөлшат Гыйният кызы очрашу кичәсендә катнашып, язучы турында якты истәлекләре белән уртаклаштылар. Шулай ук кичәбездә татар теле укытучылары, Арча Үзәк китапханәсе хезмәткәрләре катнашты.
Нет комментариев