Тырма нәрсә ул?

Казан дәүләт аграр университеты профессоры Ренат Абдрахманов үзенең лекциясен бик гади әйберләрдән башлады һәм шуның белән кызыклы да булды аны тыңлавы. “Тырма нәрсә ул?“ – дигән сорау бирде ул. Үзе үк җавабын әйтте. Мишәрләр тырманы кыр себеркесе дип атыйлар икән. 15-20 метр киткәч тырма үз вазыйфасын югалта, чүп җыйгычка әверелә. Ә менә гади генә технология ул чүптән котылырга ярдәм итә.

Тракторны ничек юасыз? Культиватор пружиналарын көйләү ни өчен кирәк? Хәзер карны ни өчен тотмыйлар? Менә шуларны һәм башка бик күп нәрсәләрне үтемле итеп аңлатты профессор. Ул китап буенча гына түгел, үз тәҗрибәсеннән чыгып, белеп сөйли. Заманында баш инженер, колхоз рәисе дә булып эшләгән.

Шушы ук көнне баш хисапчылар белән уку үткәрелде. Идарә белгечләре эшкә анализ ясадылар, тәҗрибә уртаклашу булды. Ә хисапчылар арасында тәҗрибәле белгечләр күп.

 Авыл хуҗалыгы һәм азык-төлек  идарәсе җитәкчесе Ленар Абдуллин  “Северный“ ширкәте баш хисапчысы Лидия Егорованы юбилее белән тәбрикләде, аңа район башлыгының котлау хатын тапшырды.