Укытучыга мәдхия

Укытучыга мәдхия

Исемең тарихка китә

Укытучы! Син бит илаһи зат!

Синең алда һәркем баш ия.

Сабырлыгың өчен рәхмәт әйтеп,

“Иң шәп кеше җирдә – Син!” – дия.

Синдәгедәй күркәм күз карашы

Я, әйт, тагын кемгә хас икән?

“Әни күзе белән чагыша”, – дип,

Әйтүләре, димәк, рас икән.

Даһилар да даһи булып тумый,

Нәкъ син салган эздән китәләр.

Синнән алган белем байлыкларын

Гомер буе саклап йөртәләр.

Нәниләрнең шаян шуклыклары

Гомер үтү белән аклана.

Сабыйларның керсез күңелендә

Чын укытучы гына саклана.

Йөзләгән һөнәр иясен

Я, кем белемле итә?

Үзе чәчкән орлыкларның

Шытымнарын кем көтә?

Бары тик укытучы гына

Кешене кеше итә!!!...

Наилә Миңнемуллина,

Россия мәгарифенең мактаулы хезмәткәре