Укытучылар көнендә иң лаеклылар бүләкләнде

Бәйрәмне район башлыгы Илшат Нуриев ачып җибәрде. Районыбыз мөгаллимнәрен бәйрәм белән котлап, рәхмәт сүзләрен җиткерде. Шулай ук чарада Татарстан Республикасы мәдәният министрының беренче урынбасары Юлия Әдһәмова катнашты. Алар районыбызның мәгариф өлкәсендә зур эшләр башкарып, республика һәм районкүләм мактауга лаек укытучыларга, тәрбиячеләргә, мәктәп җитәкчеләренә Рәхмәт хатлары, Диплом-медальләр һәм истәлекле бүләкләр тапшырды.

Котлау сүзләре җыр-бию һәм нәфис сүз белән үрелеп барды. 

Укытучыларга Кәрим Тинчурин исемендәге Татар дәүләт драма һәм комедия театры артистлары “Яратам! Бетте-китте!” дип исемләнгән җырлы-биюле комедия бүләк иттеләр.

Фотолар https://vk.com/album-185727872_297383981 алынды. (калган фотоларны әлеге сылтама аша карарга мөмкин)