Улын өч көн элек бикләп чыгып киткән булган...

Узган елның сентябрендә 1нче сыйныф укучысы 3 көн дәвамында мәктәпкә бармаган. Бала озак вакыт бәйләнешкә чыкмагач, укытучылар бу турында хокук сакчыларына җитергән. Полиция хезмәткәрләре шунда ук малай яшәгән йортка юнәлгән. Алар ишекне ватып кергәндә, курыккан малай карават өстендә утырган булган һәм бик озак вакыт биредә берүзе булуын әйткән. Тикшерүләр буенча, спиртлы эчемлекләр белән мавыккан ана баланы 3 көн элек бикләп чыгып киткән булган. Өйдә балага ашарга ризык та калдырмаган. Ана әти-әни хокукларыннан мәхрүм ителгән. Тиздән малайны башка гаилә тәрбиягә алачак.

Автор: Гөлия Мөгаллимова

https://kiziltan.rbsmi.ru/articles/obchestvo/Ulin-ch-k-n-elek-bikl-p-chigip-kitk-n-bulgan-160229/