Урта Пошалым мәктәбе ябылмый

Шушы мәсьәләгә багышланган авыл җыена да буласы икән. Без юлга чыктык. Халык актив килгән иде. Район башлыгы урынбасары Алсу Мөхәммәтова, мәгариф идарәсе мөдире Рамил Мәхәммәдияров та катнашты. 

- Сезнең мәктәпне ябу турында бөтенләй сүз булганы юк, - дип башлады сүзен мәгариф идарәсе җитәкчесе. - Без бирегә карар кабул итәргә дип түгел, ә ата-аналар белән сөйләшергә дип килдек. Хәзерге вакытта 17 укучы укый, аларга 11 укытучы белем бирә, 5 техник хезмәткәр эшли. Алдагы елларда да өметле саннар күренми. Шуңа күрә мәктәпнең статусын үзгәртү, аны башлангыч мәктәп буларак булса да саклап калу турында сүз бара.

Район башлыгы урынбасары Алсу Мөхәммәтова да мәктәпнең ябылмаячагын әйтте. Ата-аналар белән киңәшеп аны аклау юлларын табарга кирәк.

Сөйләшү барышында ике атнадан әлеге мәсьәләгә яңадан әйләнеп кайтырга дигән карарга килделәр. 

Бу турыда тулырак газетабызның җомга санында укырсыз.