Арск-Информ
  • Рус Тат
  • Вакцинаның беренче дозасыннан соң QR-код бирәчәкләр

    Татарстанда бүгенге көннән ТР Хөкүмәте карары үз көченә керде, аның буенча вакцинаның беренче компонентыннан соң вакытлыча QR-кодлар биреләчәк.

     

    «Безнең бурыч – бүген әлеге эшне башлап җибәрү», — дип искәртте ТР сәламәтлек саклау министры урынбасары Владимир Жаворонков «Татар-информ» агентлыгында узган матбугат конференциясендә.

    Министр урынбасары аңлатып үткәнчә, әгәр кеше әлеге яңалык кертелгәнче беренче компонентны алган икән, аның кулында вакцинация турында таныклык яки Дәүләт хезмәтләрендә беренче уколны ясатуы турында мәгълүматлар булырга тиеш. Әлеге документлар белән яшәү урыны буенча беркетелгән поликлиникага QR-код бирүләрен сорап мөрәҗәгать итәргә мөмкин.

    Поликлиникада әле беренче прививканы гына ясатырга җыенган кешеләргә QR-кодны урында ук бирәчәкләр.

    Реклама

    Әгәр вакцинация мобиль пунктта узган икән, бу очракта кодны шунда ук бирү мөмкинлеге юк. Беренче компонентны алган кешеләрне йә үз поликлиникаларына җибәрәчәкләр, йә мобиль пунктта прививка ясаткан көнне табиблар кизү торган дәваханәгә җибәрәчәкләр.

    Прививканы мобиль бригадалар ярдәмендә өйдә ясаткан кешеләргә дә вакцинация үткәргән поликлиникага яки яшәү урыны буенча беркетелгән дәваханәгә мөрәҗәгать итәргә кирәк.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: