Венер истәлегенә...

- Яңа Кенәр мәктәбе спорт залында авылдашыбыз Венер Шакирҗанов истәлегенә волейбол ярышлары булды, - дип сөйләде Гүзәл ханым. - Венер үзе көчле спортчы иде. Волейбол, футбол, хоккей уйнады. Кинәт кенә мәрхүм булды. Улы Альмир да кайткан иде. Менә инде Венер истәлегенә 14 нче ел волейбол ярышлары оештырыла. Ярышка  Балтач һәм Әтнә районнары, Арча командалары да килде. Венерның бертуганы Надиль Шакирҗанов оештырды. Туганнары, авыл эшмәкәрләре иганәчелек итте. Җылы аш оештырылды. Ярышлар әйбәт узды. Әзерлекле командалар килде. Җиңүчеләр, хөкемдарлар, тренерларларга кадәр бүләкләнде. Иң яхшы уенчылар да бүләкләнде. Кәчедән өйләре янган Вәлиәхмәтовларның улы Нияз да уйнады. Бик әйбәт уйный икән. Сокланып карап тордым. Иң яхшы уенчыга дип үзем дә Ниязга бүләк тапшырдым". Ярышта 1нче урынны Арчадан Рәшит Сафин тренерлык иткән команда алды. 2нче - Балтачлар, 3нче - Кәче командасы, тренеры Нияз Гатауллин. Котлыйбыз!