Вәйт, ветераннар, афәрин!

--Көндезге сәгать 1дә ресторанга барабыз, -- диде. -- Ветераннардан кем тели -- шул бара. 30лап кеше җыелдык. Бер күрешү үзе бер гомер. Чәй өстәле артында очрашып, сөйләшеп, концерт карап, биеп, җырлап ял итүе ни тора! Узган ел да бик күңелле утырдык.

Бергәләп узган елга видеоны карадык, бик күңелле булган. Бүген иртән эшкә барганда тагын Рәмзия ханым белән очраштык. Кичәге хәлләрне сораштым.

-- Бик күңелле булды, -- дип сөйләде Рәмзия ханым. -- Район мәдәният йортыннан Кыш бабай, Кар кызы, үзешчән артистлар да килеп, күңелне күреп киттеләр. Рәхмәт аларга. Очрашуга, ял итәргә, Яңа елны каршыларга килгән ветераннарыбызга да рәхмәт. Барыбыз да исән-сау булыйк.

Дөньяга чыгып, ял да итә белергә кирәк шул. Гомер бер генә килә. Оештырып йөрүчеләренә рәхмәт. Яңа ел белән!