Хөрмәтле укытучылар, тәрбиячеләр, өстәмә һәм һөнәри белем бирү педагоглары, мәгариф ветераннары!

Сезне ихлас күңелдән Укытучылар көне белән котлыйм. Үз гомерен мөгаллимлек хезмәтенә багышлаган шәхесләргә карата ихтирамның тирәнлеген ачып бирә алырдай сүзләр табу җиңел түгел.
Сезнең олы хезмәтегез, биргән белемнәрегез кешелек дөньясын алга этәрә, яңа ачышларга илтә. Сез – киләчәк дөнья, тормыш ишекләре ачкычлары хуҗасы! Әлеге һөнәрегез, дәрәҗәгез белән горурланыгыз, аңа тап төшермәгез! Үз һөнәрегезгә, укучыларыгызга, туган телебезгә, җиребезгә тугры булып калыгыз. Сезгә  ныклы сәламәтлек, имин көннәр, күңел тынычлыгы һәм күтәренкелеге, зур уңышлар, бетмәс-төкәнмәс энергия, эшегездә яңа үрләр телим! Һәр дәресегез укучыларны яңа белемнәргә, фәнни ачышларга этәрсен! Тормыш сезгә һәм укучыларыгызга бары тик “бишле” билгеләре генә куйсын!

Ихтирам белән мәгариф идарәсе җитәкчесе             
            Рамил Данил улы Мөхәмәдияров