Арск-Информ
  • Рус Тат
  • Яңа Кырлайда «Ат көне»нә багышланган спорт ярышлары була

    Гаризалар 16 сентябрьгә кадәр кабул ителә.

    19 сентябрьдә Татарстан Республикасы Авыл хуҗалыгы һәм азык-төлек министрлыгы ярдәме белән Татарстан Республикасы Арча районының Яңа Кырлай авылында «Ат көне»нә багышланган ат-спорт ярышлары узачак. Чараны ачу тантанасы 11.00 сәгатьтә башлана. Халыкара ат чабышлары 40, 80, 100 һәм 120 километр дистанцияләрдә оештырыла. Бу турыда министрлык сайтында хәбәр ителә.

    Чара кысаларында чиста, ярымчиста токымлы һәм җирле токымлы атлар ярышы, «Аударыш» атларында көрәш буенча конкурс, атларны арбага җигү тизлегенә конкурс, иң матур арба конкурсы һәм башка төрле ярышлар, бәйгеләр булачак. Бәйрәмнең төп үзенчәлеге — традиция буенча, 100-120 км араны уза торган татар токымлы атлар чабышы булачак.

    Реклама

    Моннан тыш, мәдәни-күңел ачу программасы, Казан шәһәренең балалар ат-спорт мәктәбендә тәрбияләнүчеләрнең күрсәтмә чыгышлары, тимер кою буенча мастер-класс, авыл хуҗалыгы продукциясе ярминкәсе, кайнар ризык һәм концерт программасы оештырылачак.

    Атларны яратучыларны, ат спорты белән шөгыльләнүчеләрне ярышларда катнашырга һәм үзләрен күрсәтергә чакырабыз. Гаризалар 16 сентябрьгә кадәр электрон адреска кабул ителә: fkksrt@bk.ru, диелә хәбәрдә.

    Подробнее: https://tatar-inform.tatar/news/agriculture/08-09-2020/archa-rayonynda-at-k-ne-n-bagyshlangan-sport-yaryshlary-bula-5769650

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: