Язгы-җәйге чорларда сак булыйк!

Язгы-җәйге вакыт ул янгыннар чыгу куркынычы зур булган чор.

Шәһәр, авылларда, урманнарда, агачлыкларда, коры елга, чокырларда  коры үлән, камыш, чүп-чар, көнкүреш калдыклары, камыл, салам, коры агачлар, бура калдыклары һәм башка янучан әйберләрне яндыру тыела.

Янгынга каршы махсус режим вакытында нәрсәдер яндырырга, ачык ут кулланырга һич ярамый. Ачык ут кулланып, ризык әзерләргә дә рөхсәт юк. Шәхси йорт ишегалдында учак ягу, махсус билгеләнгән һәм моның өчен җиһазландырылган урыннардан читтә ризык әзерләү өчен ачык утны көйрәтеп җибәрү махсус режимны боза.

Исегездә тотыгыз, тиешсез урында учак яккан өчен РФ Административ хокук бозулар турындагы кодексның 20.4 маддәсе 2нче өлеше буенча гражданнарга 4000 сумга кадәр штраф, вазыйфаи затларга – 30000 сумга кадәр, шәхси эшмәкәрләргә – 40000 сумга кадәр, юридик затларга  400000 сумга кадәр штраф каралган.

 Гадәттән тыш хәл булган очракта 01, 101, 112 номерларына шалтыратыгыз.

 Илгизәр Исмәгыйлев, янгын күзәтчелеге инспекторы