Йорт хайваннарыннан коронавирус инфекциясен йоктыру куркынычы бармы?

Коронавирус инфекциясенең кешегә хайваннардан йогуына бәйле ышанычлы мәгълүматлар юк. Бу хакта РИА Новости агентлыгы табиб һәм телетапшырулар алып баручы Александр Мясниковка сылтама белән хәбәр итә.

Мясников кешеләрнең әлеге вирусны йорт хайваннарыннан эләктерүенә кагылышлы барлык мәгълүматларны тикшерелмәгән һәм расланмаган дип белдерде. Әмма икенче төрле куркыныч бар – кеше үзе эт яки песигә коронавирус йоктырырга мөмкин.

«Этләр һәм песиләр үзләре коронавирус инфекциясе белән авырырга мөмкин. Симптомнары да (төчкерәләр, кәефсезләнәләр, ашаудан баш тарталар) безнеке кебек үк диярлек. Чирне – алар безгә түгел, ә без аларга йоктырабыз», - дип искәрткән ул «Телеграм»дагы постында.

Әмма, инфекция йоктырудан куркып, песи һәм этләргә кеше кабул итә торган дарулар бирмәвең хәерле.

Подробнее: https://tatar-inform.tatar/news/health/13-10-2020/tabib-yort-hayvannarynnan-koronavirus-infektsiyasen-yoktyru-kurkynychyn-b-yal-de-5778304