Арча яңалыклары
Җырлы-биюле «Зәңгәр шәл»не яратып карадык (ВИДЕО)
Спектакльгә бармаганнар күп нәрсәне югалтты.
Бүген район мәдәният йортында булды ул. Электән безнең әниләр яратып карый торган Кәрим Тинчурин язган Булатлы, Мәйсәрәле "Зәңгәр шәл" спектакле. Булат, Булат кайткан, бүләк алып кайткан... Җырлы, биюле! Искиткеч, хис-тойгыларның чик-чамасы булмады. "Мондыйны күргән юк иде әле" - дия-дия сөйләшеп чыктылар спектакльдән.
Ул күмәк биюләр, җырлаулар! Аларны бит Казаннан, филармониядән кайткан чын сәнгать осталары башкара! Якташыбыз, җырчы Фердинанд Фәтхи дә авыл мулласын килештереп уйнады. Рәхмәт җырчыларга, биючеләргә безгә шундый матур, тарихи спектакль күрсәткәнгә. Рәхәтләнеп, чын сәхнә әсәре карап, ял итеп кайттык.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев