Юлда барган машинага ут капкан

Гадәттән тыш хәлләр министрлыгы хәбәр итүенчә, машинага ут кабу турындагы хәбәр 9 август көнне 21:40 сәгатьтә килеп ирешкән.  «Mitsubishi» машинасы юлда барганда яна башлаган. Машина йөртүче капоттан төтен чыгуын күреп, шундук юл кырыена туктаган. Капотны ачуга, моторны ялкын чолгап алган. 
Ир-ат коткаручыларны чакырта һәм янгынны ут сүндергеч, ком белән мөстәкыйль рәвештә сүндерергә тырыша.  Янгын бүлегендә хәбәр итүләренчә, янгын нәтиҗәсендә беркем дә зыян күрмәгән, ә менә машина тулысынча янып беткән. Фото: ТР Гадәттән тыш хәлләр министрлыгы матбугат үзәге
 http://shahrikazan.ru/news/kyiskacha-ya%D2%A3alyiklar/yulda-bargan-mashinaga-ut-kapkan