Арск-Информ
  • Рус Тат
  • “Жириновский” ялгыз калган

    Мәзәкләр тормышта туа. Беркөнне редакция кызларына: “Жириновскийның фотосын табып куегыз әле, табигать битенә шуны куябыз”, – дидем дә, эш белән китеп бардым.

     

    Кайткач, “Тапмадыгызмы Жириновскийны”, – дип сорадым. “Юк шул, күпме эзләсәк тә таба алмадык. Жириновский бер елны Арчага килгән иде, бәлки шул вакыттагы рәсеме кирәктер дип, аптырашып беттек”, – диләр.

    Сүзнең болан турында баруын аңлап бетермәгәннәр икән, рәхәтләнеп көлештек.

    Бер елны “Заман” ширкәтенә Алтайдан утызлап марал алып кайтканнар иде. Араларындагы күкрәк киереп басып торган бер боланга “Жириновский” дигән кушамат та биреп өлгергәннәр. Яңа төр хайваннарны карарга килүче балалар, өлкәннәр күп булды.

    Реклама

    Яңа ел алдыннан ширкәттә булырга туры килде. Боланнардан бер Жириновский гына калган. Аңа  иптәшкә бер ана марал калдырган булганнар. Хайваннар яшеренеп “бәбиләргә” ярата бит. Әлеге боланбикә дә аулак урын эзләп чыгып киткән. Тик Кенәр юлын аркылганда машина бәргән...

    Кенәр юлы гомумән кешеләр өчен генә түгел, җәнлекләр һәм кошлар өчен дә хәвефле. Күптән түгел генә машина белән юл буендагы соры көртлекләрне бәрдереп киттеләр. Чиканас урманы турысында кабанны бәрдерделәр.

    Руль артындагылар юлларда саграк булсыннар иде инде.

    Ә Мәскәүдәге Жириновский Арчага чынлап та килгән иде. Поезд белән, ялкынлы чыгыш ясады, 10ар сум акча өләште, икенче килгәндә 100әр сум өләшәчәкмен, дип вәгъдә итте. Поезд кузгалганда башын тәрәзәдән тыгып: “Уничтожим всех жуликов!” – дип кычкырды.

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: