Яңалыклар
Казан белән Ташкентны даими авиарейслар тоташтырачак
Бүгенге көннән башлап Казаннан Ташкентка даими авиарейслар җибәрелә. Очышлар атнага бер тапкыр башкарылачак.
Ташкенттан очып китү чәршәмбе көнне 23:50 сәгатьтә планлаштырыла, ТР башкаласына килү икенче көнне 1:10 сәгатьтә көтелә. Казан аэропортыннан авиалайнер пәнҗешәмбе көнне 2:40 сәгатьтә китә һәм Үзбәкстан башкаласына 7:50 сәгатьтә киләчәк.
Пассажирлар юлда якынча 3 сәгать булачак. Һәр аэропорт өчен җирле вакыт күрсәтелгән. Үзбәкстанда вакыт Мәскәүнекеннән 2 сәгатькә алда йөри.
Казан аэропортының матбугат хезмәте хәбәр иткәнчә, рейсларны үзбәк авиакомпаниясе Panorama Airways башкарачак. Пассажирларга 144 кешегә исәпләнгән Airbus A320 тибындагы самолетлар хезмәт күрсәтәчәк.
Чыганак: https://tatar-inform.tatar/news/kazan-belan-taskentny-daimi-aviareislar-totastyracak-5866487
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев