Казанда 70 ел бергә яшәгән парларга 25 мең сум акча биреләчәк

«Гаилә кыйммәтләрен пропагандалау, җәмгыятьтә гаилә ролен һәм абруен күтәрү <...> максатыннан юбиляр гаиләләрне бүләкләү турындагы нигезләмәне расларга», диелгән документта.

Шулай итеп, никахларын законлы теркәгәнгә 50 ел булган гаиләгә – 6 мең сум, 60 ел бергә яшәүчеләргә – 10 мең сум, ә гаилә корганнарына 70 ел булучыларга 25 мең сум биреләчәк.

Шул ук вакытта мэрия гаилә юбилейларын 2022 елда билгеләп үткән парларны да бүләкләргә җыена. Узган ел алтын һәм бриллиант туйлары булган парлар – өчәр мең сум, ә 70 ел бергә яшәүчеләр 5 мең сум алачак.

• Туйга ничә ел булуга карап, гадәттә түгәрәк даталар билгеле бер атама белән аталып йөртелә. 70 елдан соң парлар «Бәрәкәт туй» билгеләп үтә.

Чыганак: https://tatar-inform.tatar/news/kazanda-70-el-berga-yasagan-parlarga-25-men-sum-akca-birelacak-5866486