Арск-Информ
  • Рус Тат
  • Хастаханәләр тулды, табиблар алҗыды, урыннар җитми...

    Коронавирусның яңа дулкыны кайчан башланды соң? Казан хастаханәләрендә хәлләр ничек? Авыручылар күпме? “Снег” журналисты Казан хастаханәләренең берсендә эшләүче табибның сүзләрен язып алган. Аноним шартларда ("Шәһри Казан").

     

    Дөресен генә әйткәндә, яңа дулкын июнь урталарында ук үзен сиздерә башлады. Авыру инде артта калды дип уйлаган мәлдә, хастаханәләрдә коронавируслылар өчен урыннар бетерелә башлады. Ләкин нәкъ шул вакытта авыручылар саны кискен артты. Март аеннан башлап, берничә ай тынлык булды бит, бар да артта калды дип уйлаган идек инде.

    Хәзер исә хәлләр бөтенләй начар. Авыручылар саны 4-5 атна элек бик каты арта башлады. Пандемиянең иң критик вакытларында да моның кадәр пациентлар булганы юк иде. Дулкыннарның төрлесен күрергә туры килде. Монысы – иң куркынычы.

    Бу хәлнең берничә сәбәбен атарга була. Бар да яңа штамм турында сөйли, чыннан да, монысы тизрәк тә, хәтәррәк тә. Халык бик теләмичә генә вакцина ясатты. Шулай ук балалар мәктәпкә, студентлар вузларга кайтты. Әлбәттә, массакүләм чаралар да үз ролен уйнады. Мин үз күзләрем белән сентябрьдә “Профсоюзная” шәһәр фестивалендәге мәхшәрне күрдем, шунда әле уйлап та куйган идем: “Менә алар – яңа пациентлар...”.

    Хастаханәләр, чыннан да, шыплап тулы. Безнеке дә, башкалары да. Урыннар җитми, бары иң авыр хәлдә булучыларны гына салалар. Урта хәлдәгеләрне хастаханәгә салу мөмкин дә түгел, бигрәк тә патологияләре булмаса. Реанимацияләр дә тулы.

    Әйтик, безнең хастаханәдә пациентлар койка-урыннарга караганда күбрәк. Мәсьәләне чишү юлын да таптылар – авыруларны тизрәк чыгарабыз. Хәле аз гына җиңеләйсә дә, аны кайтарып җибәрәбез. Башкаларга урын табылсын өчен.

    Реклама

    Үземнең күзәтүләргә килгәндә, авыручыларның күпчелек өлеше – вакцина ясатмаучылар. Бигрәк тә авыр хәллеләр арасында шулай. “Спутник” кадатучылар реанимациягә бик сирәк эләгә. Авыруны да җиңелрәк кичерәләр. 

    Әлеге дулкынның тагын бер үзенчәлеге шунда ки, ковид “яшәрде”. 30 яшьтән узганнар да үлә башлады, 40 яшьлекләр дә күпләп үлә. Бездә алдагы дулкында иң яшь үлгән пациент 55 яшьтә иде.

    Коллегалар, әлбәттә, бик нык алҗыды. Көн саен эш, эштән соң гына кайтып китү, бетмәгән сресс, адым саен үлем... Дежур торганда да бик авырга туры килә. Препаратлар да җитешми башлый. Июнь аенда әле җиңелрәк булган икән. Кешеләргә төп киңәшем: вакцина ясатыгыз! Бар да вакытында кадаткан булса, реанимация бу кадәр тулы булмас иде. Һәм вакцина буенча төрле каналлар буенча йөрүче имеш-мимешләргә ышанмагыз...

    Лина Саримова, Снег

    Тулырак: http://shahrikazan.ru/news/s%D3%99lam%D3%99tlek/khastakhanlr-tuldy-tabiblar-alydy-urynnar-itmi

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: