Яңалыклар
Путин озакламый коронавирустан даруларның сатуга чыгачагын әйткән
Россия Президенты Владимир Путин тиздән COVID-19 инфекциясеннән даруларның сатуда пәйда булу ихтималын белдергән. Бу хакта ул Сочида хәрбиләр киңәшмәсендә илдә коронавируска бәйле вазгыятьне аңлатканда әйткән, дип хәбәр итә ТАСС ("Ватаным Татарстан").
“Хәзерге вакытта дарулар эшләнелә. Якын киләчәктә алардан инде файдалана да башлаячагыбызга ышанам”, – дигән ул.
Шул ук вакытта, аның әйтүенчә, прививка ясату коронавирустан саклануның иң яхшы ысулы булып кала.
Сүз уңаеннан, моңа кадәр Россиядә “Спутник V” нигезендә коронавирустан борынга сиптерә торган ике вакцинаның пәйда булачагы турында игълан ителде.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев