Иремнең “башы китте”

автор, 3 декабрь 2022 - 22:00

1287

Ирем белән 11 ел элек өйләнештек. Соңгы айларда ул миңа бәйләнә башлады. Гел матур булырга куша, рәсемдәге модельләр кебек булуымны тели. Сүз дә юк, хәзер фигурам үзгәрде. Ике бала тапканнан соң кем үзгәрми соң?

Ләкин фил кебек тазармадым, күп дигәндә, 8-10 килога артканмындыр.

Ә ул: “Болай булмый, ябык, давай”, – дип нервыларымны ашап бетерде. Алай гына түгел, эчке киемгә дә бәйләнә. Янәсе, челтәрле, матур булсын. Миннән бер артык җире дә юк. Эчке киемнәренә банан, ананас рәсемнәре төшерелгән. Корсак үстереп ятканына да дәшмим. Мине дә, мәсәлән, дәртләндерми бу күренеш. Минем дә өйдә бизәнмичә, уңайлы кием киеп йөрисе килә.

Әйтергә оныта язганмын, беркөнне ирем “эпиляция ясатканың юк, акчасын бирәм, барып кайт” дигәч, артыма утыра яздым. Нишләгән соң бу ирем? 11 ел яшәп башы китә башлаган бугай...