12 көнлек оныгын үстергән әби

10 октябрьдә Арча шәһәрендә яшәүче Мария Орловага 90 яшь тулды. “Мәрхәмәтлек” үзәге җитәкчесе Миләүшә Шакирова аңа район башлыгының Рәхмәт хатын, бүләк тапшырды.

Мария Лукановна Алтай краенда туган, сугыш елларында тимер юлны кардан чистартып поездларга юл ачкан. Сугыштан соңгы елларда тегүче булып эшләгән. 1949 елда Иван Орловка кияүгә чыккан, аның белән Арчага кайткан. Озак еллар райпода техник хезмәткәр булып эшләгән. 6 баланы кеше итәсе бар, төннәр буе киемнәр теккән ул.

Бер кызы әнисенә 12 көнлек баласын калдырып киткән, шуны тәрбияләп, ким-хур  итми үстергән.