18 яшьлек егет юлда йоклап киткән

(Казан, 11 октябрь, «Татар-информ»). Татарстанда 18 яшьлек шофер руль артында йоклап киткән һәм юл билгесен аударган, пассажиры машинада кысылып калган. Бу хакта «Татар-информ» агентлыгына әлеге аварияне күргән кешеләр хәбәр итте.

Юл һәлакәте бүген иртән Казан – Тәмте юлында булган. «Хендэ Солярис» автомобиле, юл билгесен аударып, юл читенә төшеп киткән, машинага җитди зыян килгән.

«Егеткә 18 яшьләр тирәсе, ерактан кайтып килүләре булгандыр, күрәсең - руль артында йоклап киткән», - дип сөйләде шаһитлар.

Пассажирны ашыгыч ярдәм машинасында хастаханәгә озатканнар.

Подробнее: https://tatar-inform.tatar/news/incident/11-10-2020/tatarstanda-18-yashlek-shofer-rul-artynda-yoklap-kitk-n-m-yul-bilgesen-audargan-5777960