Арча яңалыклары
2020 елда халык санын алачаклар
“Халык санын алу, аның максаты – халыкның тормыш-көнкүреш шартларын җентекләп өйрәнү һәм аның нәтиҗәләре нигезендә, илебезнең социаль-икътисади үсешенең төп юнәлешен билгеләү.
Районда исәпкә алуның уңышлы узуы иң беренче чиратта әзерлек эшләренең ни дәрәҗәдә башкарылуына бәйле. Август аенда теркәүчеләр йорт адресларына төгәллек керткәннән соң күп кенә йортларның номерлары юклыгы ачыкланды. Йорт номерлары язылган элмә такталар, Арча шәһәрендәге һәм авыл җирлекләрендәге йортларның исемлекләре булдырылырга тиешлеге хакында авыл җирлекләренә һәм шәһәр башлыгына хәбәр ителде. Бүгенге көндә эш башланып китте. Кайсыбер авыл җирлекләре йорт номерлары язылган элмә такталарын булдырдылар.
Сан алу – гомуммилли туплануга, социаль киеренкелекне киметүгә ярдәм итүче акция. Аны үткәрү һәм нәтиҗәләре белән бар кеше кызыксына. Чөнки ул – бөтен илнең сәяси тормышында катнашуның бердәнбер ысулы”, – дип хәбәр итте Арча статистика бүлеге җитәкчесе Рәмзия Хәбибуллина.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев