erid:LgsiSnffX
Арча хэбэрлэрэ (Арский вестник)

Арча районы

18+
Рус Тат
2024 - Гаилә елы
Арча яңалыклары

6 июльдә Казанның Меңьеллык мәйданында «Ефәк юлы» халыкара раллие старт ала

Раллиның финишы 15 июльгә билгеләнгән, соңгы нокта – Мәскәү Кремле диварлары янында.

Иртәгә, 6 июльдә, Казанның Меңьеллык мәйданында «Ефәк юлы» халыкара раллие старт ала. Подиумга 98 экипаж күтәреләчәк, дип хәбәр итә оештыручылар.

Раллига старт бирер алдыннан бәйрәм программасы тәкъдим ителәчәк, ул 16.30 сәгатьтә башлана. Музыкаль коллективларның чыгышлары һәм раллига, татар халкының кунакчыллыгына, Казанда узган Универсиаданың 10 еллыгына багышланган хореографик композицияләр планлаштырылган.

Тамашачылар шулай ук мото- һәм квадро- фристайлерның трюкларын, ралли шәһәрчеген дә күрәчәк. Моннан тыш, бәйрәм программасы вакытында «Рус механикасы» квадроциклы уйнатылачак.

Бәйрәм программасыннан соң 19.00 сәгатьтә раллига старт бирү тантанасы башлана.

erid:2Vtzqwy9AuJ erid:2Vtzqwy9AuJ

Раллида катнашучыларны тугыз этап көтә. Дистанциянең озынлыгы биш мең километрдан артып китәчәк. Чарада катнашучылар тугыз көн эчендә Россиянең 13 төбәге (Татарстан, Башкортстан республикалары, Чиләбе, Оренбург, Самара, Саратов, Волгоград, Воронеж, Тамбов, Липецк, Тула һәм Мәскәү өлкәләре, шулай ук Мәскәү шәһәре) аша үтәчәк.

Раллиның финишы 15 июльгә билгеләнгән, соңгы нокта – Мәскәү Кремле диварлары янында.

Элегрәк «Татар-информ» агентлыгы 4-10 июльдә Казанда «Ефәк юлы» раллие башлану сәбәпле кайбер урамнарда хәрәкәт чикләнәчәге хакында хәбәр иткән иде.

Тулырак: https://tatar-inform.tatar/news/6-iyulda-kazannyn-menellyk-maidanynda-efak-yuly-xalykara-rallie-start-ala-5873254

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Арча хәбәрләре

2
X