7 район хезмәткәрләре Арчада очрашты

ТР Социаль фондның Арчадагы клиентлар белән эшләү бүлеге хезмәткәрләре спорт ярышларында катнаштылар. Иртән сәг.9 тулып киткәч, тантана башланып китте. Район башкарма комитеты җитәкчесе Ленар Абдуллин уңышлар теләде.

Казаннан ТР Социаль фондның идарә җитәкчесе урынбасары Елена Горюнова кайтты.

Афәрин! Оста йөзәләр! Сокланып карап тордык. Кемнәр дисезме?
РТның Социаль фонд (пенсия) идарәсенең Арчадагы клиентлар белән эшләү бүлеге (җитәкчесе Рузия Нурмөхәммәтова) хезмәткәрләре көндәшләре белән!

Арча спорт мәктәбендә  спорт ярышында. Арча, Әтнә, Саба, Балтач, Биектау, Кукмара, Мамадыш, Теләче районнары хезмәткәрләре ярышты. Йөзү, волейбол, өстәл теннисы, бадминтон һ.б. спорт төрләре буенча ярыштылар.
 

"Мондый очрашулар кирәк, - ди алар. - Бер-береңнең спорттагы осталыкларын күрәсең, сөйләшәсең, аралашасың, мондый хәрәкәтле уеннар кәефләрне күтәреп җибәрә, хәрәкәттә бәрәкәт икәненә, алга таба да спорт белән шөгыльләнергә кирәклегенә тагын бер кат инанасың".

Ярышлар кичке сәгать 6да гына бетә. Арчалар волейбол һәм баскетбол буенча 1нче урын алалар. Бадминтонда - 3нче. Котлыйбыз!